උසස් පෙළ සදහා සුදානම් වන්නේ කෙසේද ?
උසස් පෙළ විභාගය සදහා සුදානම් වන්නේ කෙසේද ?
උසස් පෙළ විභාගය අපගේ ජිවිතයේ ඉතා වැදගත් කඩඉමක් කියල අපිට කියන්න පුළුවන්. ඒකට හේතුව තමයි මෙතනින් ලබන ප්‍රතිඵලය මත ඔයාගේ ජිවිතේ ඉදිරි ගමන හා සාර්ථකත්වය තීරණය වෙනවා. අපි A/L පාස් වෙන්න ඕන ඇයි කියල අපි බලමු.
උසස් පෙළ සමත් විය යුත්තේ ඇයි ?
- හොද රැකියාවක් කිරීම සදහා
- තමාගේම ව්‍යාපාරයක් පටන් ගැනීමට අවශ්‍ය ඉහල අධ්‍යාපනය ලබාගැනීම සදහා
- සමාජයේ ඉහල පිලි ගැනීමක් ලබා ගැනීම සදහා
- ඉහල මට්ටමකින් ආදායම් ඉපයීම සදහා
- සුඛෝපබෝගී ජීවිතයක් ගත කිරීම සදහා
- විවාහ වීමේදී පහසුවෙන් ඔහුගේ හෝ ඇයගේ දෙමව්පියන් කැමති කරගැනීම සදහා
- පව්ලේ ඇති දුප්පත්කම හෝ වෙනත් අඩුපාඩු මකා දැමීම සදහා
- ඔබගේ බාල සහෝදර සහෝදරියන් ඉගනීම සදහා උනන්දු කරවීම සදහා
මීට අමතරව ඒ ඒ පුද්ගලයාට ඒ ඒ අවශ්‍යතා හා හේතු තිබිය හැක.
උසස් පෙළ අසමත් වීමට හේතු ?
- තමා අකමැති විෂය ධාරාව තෝරා ගැනීම
- විභාගය අසීරු යැයි අනියත බිය
- තමා පිලිබදව දැඩිව අධිතක්සේරුවෙන් හෝ අවතක්සේරුවෙන් පසු වීම
- විවිධ වූ කායික හා මානසික ලෙඩ රෝග
- අනවශ්‍ය (නොසුදුසු හෝ නොගැලපෙන) ආදර සම්බන්ධතා හා විශේෂයෙන්ම ආදර සම්බන්ධතා බිද වැටීම්
- පවුල් පසුබිම හා දෙමව්පියන් ලබාදෙන උනන්දුවෙ මදි කම
- සුදුසු ගුරුවරුන් තෝරා ගැනීමට අසමත් වීම
- මත් ද්‍රව්‍ය හා මත් වෙන දෑ වලට පුරුදු වීම
- අන් අයගෙන් ලබන්නා වූ නොමග යැවීම
- තමා විසින් ඇසුරු කරන්නන් සතුව ඇති අධ්‍යාපන මට්ටම හා ඔවුන්ගේ ගති පැවතුම්
- ජංගම දුරකථනය සමග අනවශ්‍ය පරිදි කාලය ගත කිරීම
- Facebook සහ internet අධික ලෙස පමණට වඩා භාවිතා කිරීම
- අලස බව
- අනාගත ඉලක්කයක් නොමැති බව
උසස් පෙළ සමත් වී campus යාමට ඕනෑම කෙනෙකුට හැකිද ?
- ඔව්. හැකියි. නිසැකවම පුළුවන්. කුඩා කල සිට ලැබූ අධ්‍යාපනය, ඔබගේ 5 වසර විභාගයේ හා O/L ප්‍රතිපලය කුමක් වුවත් ඔබට අනිවාර්යෙන්ම උසස් පෙළ සමත් වී විශ්ව විද්‍යාලයට යන්න පුළුවන්.
Comments
Post a Comment